Хайх

 
  • Сагс хоосон байна...
Н. Амгаланбаатар
 

Н. Амгаланбаатар

Товч намтар

Нямх овогтой Амгаланбаатар 1955 онд Өвөрхангай аймгийн Арвайхээр хотод төрсөн.

1971-1974 онд Дүрслэх урлагийн дунд сургуулийг Ардын зураач Л.Гаваагийн удирдсан ангид уран зураачийн мэргэжлээр төгссөн.

1975-1981 онд Москва хотын Суриковын нэрэмжит уран зургийн академийг Оросын Ардын зураач М.Савостюкийн урланд зураасан зургийн мэргэжлээр төгссөн.

1981-1983 онд Урчуудын Эвлэлийн үзэсгэлэнгийн танхимд уран сайхны удирдагч

1983-1985 онд Монументаль чимэглэлийн үйлдвэрт зураач

1985-1988 онд Улсын Үзэсгэлэн Чимэглэлийн газрын орлогч дарга –уран сайхны удирдагч

1988-1990 онд Шинжлэх ухаан, техникийн хороонд гадаад үзэсгэлэнгийн ерөнхий арга зүйч

1990-1993 онд Уран зургийн Галлерейн захирал

2003-2010 онд Байгалийн Түүхийн Музейд зураач зэрэг ажлууд хийж байсан

2012 оноос одоог хүртэл Керамикийн студид зургийн багшаар ажиллаж байна.

Уран зургийн төрлөөс гадна зураасан зураг, шилэн зураг, керамикийн төрлөөр бүтээлээ хийдэг.

Эх орондоо зохиогддог үзэсгэлэнгүүдэд тогтмол оролцож, 5 удаа бие даасан үзэсгэлэнгээ гаргасан.

Гадаадад 4 удаа үзэсгэлэнд бусад уран бүтээлчдийн хамт оролцож байсан. Нийт  200 орчим бүтээл нь улс болон сонирхогч цуглуулагчдын сан хөмрөгт хадгалагдаж байна.

Шагнал

1987- Вьетнам улсын соёлын тэргүүний ажилтан

2004- Монгол улсын соёлын тэргүүний ажилтан

2012- Алтан гадас одон

2017- Хөдөлмөрийн гавьяаны улаан тугын одон

2018- Цагаан сүлд одон

2019- Оны шилдэг бүтээлийн шагнал

2020- Өндөр гэгээний нэрэмжит уралдааны уран зургийн төрөлд тэргүүн байрны шагнал

Өндөр гэгээн Занабазарын өв уламжлагч цом гранпри шагнал