Дугаар дөрөв: Импрессионизм

Импрессионизм бол  Сэтгэгдэл гэсэн утгатай /1870-1900 он/ 19-р зууны хоёрдугаар хагаст Францад үүссэн урлагийн урсгал юм. Энэ нь реализмын урлагийн бүтээлүүдийг үнэн зөв дүрсэлсэнээс үүссэн боловч уран бүтээлчид аливаа зүйлийг хэрхэн хүлээж авч байгааг онцолсон.  Бодит ертөнцийн хөдөлгөөн өөрчлөлтийг сэтгэлдээ бууснаар дүрслэн харуулдаг.

Хэдийгээр импрессионист уран бүтээлчид түүхэн дэх хамгийн алдартай урлагийн бүтээлүүдийг бүтээдэг ч академич урлаг судлаачдын хатуу эсэргүүцэлтэй тулгарсан. Үүний үр дүнд 1870-аад онд Францын Парис хотод уран бүтээлчид нэгдэж бие дааж өмнөх үеийн реализмын уран бүтээлчдийн санаанаас эрс ялгаатай шинэ урлагийн хөдөлгөөн гарч ирэв.

Импрессионизмыг үүсгэн байгуулсан уран бүтээлч: Клод Моне
Клод Моне (1840-1926) нь Францын импрессионист урлагийн хөдөлгөөнийг үүсгэн байгуулагчдын нэг бөгөөд урлагт аливаа зүйлийн мөн чанараас илүү ойлголтыг тавих санааг гаргаж ирсэн анхны зураачдын нэг юм. Тэрээр "Exhibition of the Impressionists" нэртэй анхны үзэсгэлэн зохион байгуулж урлагийн хөдөлгөөнийг үүсгэн байгуулсан хүн юм.

Клод Моне хөдөлгөөнийг үүсгэн байгуулагчдын нэг байхаас гадна хамгийн үр бүтээлтэй хүмүүсийн нэг байсан. Тэрээр амьдралынхаа сүүлийн хагасыг Францын хойд хэсэгт байрлах томоохон эдлэнд амьдарч, тохижилтын төсөл эхлүүлсэн. Энэ нь түүний олон тооны сараана цэцгийн цөөрөм болон бусад ландшафтуудын урам зориг болж, эцэст нь түүний хамгийн алдартай бүтээл болсон.

Эх сурвалж: https://art-facts.com/art-history-timeline/

Импрессионизмын төлөөлөгч: Клод Моне
Бүтээлийн нэр: Шүхэртэй эмэгтэй

Бүтээл туурвисан огноо: 1875 он

Хэмжээ: 100 см × 81 см (39 × 32 инч)

Эх бүтээлийн байршил: Үндэсний урлагийн галерей, Вашингтон, ДС, АНУ

"Шүхэртэй эмэгтэй" бүтээлд Клод өөрийн эхнэр болон тэдний хүүг дүрсэлсэн байдаг. Камилла Моне, Жан Моне нар 1870-аад оны үед гэр бүлийн амьдарч байсан Аргентюлийн ойролцоох талбайд алхаж байна.

Энэ бүтээл нь салхитай өдөр гол дүрүүдийг дүрсэлсэн импрессионист уран зургийн тод жишээ юм. Энэхүү бүтээл нь уран бүтээлчид урлагийн хөдөлгөөнийг тодорхойлдог хөдөлгөөний мэдрэмжийг нэгтгэх боломжийг олгосон. Түүний шүхэр, даашинз хоёулаа салхинд хийсч байгааг энэхүү зурагнаас харж болно.

Импрессионизмын төлөөлөгч: Пьер-Огюст Ренуар

Бүтээлийн нэр: Ле Мулен де ла Галетт дахь бүжиг

Бүтээл туурвисан огноо: 1876 он

Хэмжээ: 131 см × 175 см (52 × 69 инч)
Эх бүтээлийн байршил: Орсэй музей, Парис, Франц
Ле Мулен де ла Галетт дахь бүжиг нь Пьер-Огюст Ренуарын хамгийн алдартай импрессионист зургуудын нэг юм. Энэ нь Парисын Монмартр дүүрэг дэх Мулен де ла Галетт дахь амьд дүр зургийг дүрсэлжээ. Парисын ажилчин ангийнхан ням гарагийн үдээс хойш хэрхэн өнгөрүүлсэнийг эндээс харж болно.

Уг зураг нь импрессионистуудын ивээн тэтгэгчээр ажиллаж байсан Францын реализм зураач Густав Кайлеботт (1848-1894)-ийн мэдэлд байжээ. Түүнийг нас барсны дараа Франц улсын мэдэлд орж Люксембургийн музей, Луврын музей, Орсей музейд шилжин байршуулсан байна.

Импрессионизмын төлөөлөгч: Эдуард Мане

Бүтээлийн нэр: Зүлгэн дээрх үдийн зоог

Бүтээл туурвисан огноо: 1863 он

Хэмжээ: 208 см × 264.5 см (81.9 × 104.1 инч)
Эх бүтээлийн байршил: Орсэй музей, Парис, Франц
Зүлгэн дээрх үдийн зоог буюу “Le Déjeuner sur l’Herbe” бүтээл бол реализмаас импрессионизм руу шилжихэд чухал үүрэг гүйцэтгэсэн Франц зураач Эдуард Манегийн (1832-1883) хамгийн алдартай зургуудын нэг юм. Үүнийг Моне "Сэтгэгдэл", "Мандах нар"-ыг зурахаас өмнө арав гаруй жилийн хугацаанд дуусгасан нь онцлог билээ. Уг зургийг "Le Bain" гэж нэрлэж байсан бөгөөд урд талд нь нүцгэн эмэгтэй, цаана нь бүрхэг дүр зурагтай усанд орж буй эмэгтэйг харуулсан харьцангуй бодит дүр зургийг дүрсэлсэн байна. Уг зураг нь ийм өвөрмөц дүрслэл, агуулгатай тул 1863 оны Парисын үзэсгэлэнд оруулахаас татгалзжээ. Гэсэн хэдий ч энэ нь 19-р зууны хамгийн нөлөө бүхий зургуудын нэг болжээ.

Эх сурвалж: https://art-facts.com/famous-impressionist-paintings/